សន្និសីទស្តីពីការប្រកួតពានរង្វាន់កីឡាវាយកូនបាល់ ដេវីសខាប់ ឆ្នាំ2017 ដែលបានធ្វើនៅការិយាល័យកីឡាវាយកូនបាល់កម្ពុជានាថ្ងៃទី 28 ខែ មីនា ឆ្នាំ2017
លោក យូស៊ូកិ កូស្ស៊ូម៉ា ដែលជានាយកប្រតិបត្តិរង ហើយជាតំណាងដ៏ខ្ពង់ខ្ពស់របស់លោក ម៉ីតសឹជី កូណូស៊ីតាក់ អគ្គនាយកក្រុមហ៊ុនភតិសន្យាហិរញ្ញវត្ថុជីអិល ហ្វាយនែន ភីអិលស៊ី បានចូលរួមធ្វើសន្នីសិទកាសែតស្តីពីការប្រកួតកីឡាវាយកូនបាល់ ដេវីសខាប់ ឆ្នាំ2017 នៅការិយាល័យកីឡាវាយកូនបាល់កម្ពុជា
លើកនេះជាលើកទី៤ហើយដែលក្រុមហ៊ុនភតិសន្យាហិរញ្ញវត្ថុ ជិអិល ហ្វាយនែនបានធ្វើការឧបត្ថម្ភធំទៅលើក្រុមកីឡាករវាយកូនបាល់កម្ពុជា សំរាប់ការប្រកួតពានរង្វាន់ ដេវីសខាប់ ដែលនឹងត្រូវប្រារព្ធធ្វើនៅក្នុងប្រទេសបារ៉ែនចាប់ពីថ្ងៃទី03 រហូតដល់ថ្ងៃទី08 ខែមេសាឆ្នាំ2017នាពេលខាងមុខនេះ។
ក្រុមហ៊ុនភតិសន្យាហិរញ្ញវត្ថុជីអិល ហ្វាយនែន ភីអិលស៊ី ពិតជាសង្ឃឹមយ៉ាងមុតមាំថាក្រុមកីឡាករវាយកូនបាល់កម្ពុជា ក្រោមការដឹកនាំរបស់ លោក Rithivit Tep ហើយនិង លោក Braen Aneiros នឹងអាចពាំនាំយកនូវជ័យជំនះជូនប្រជាជនក៏ដូចជាប្រទេសកម្ពុជាទាំងមូល ហើយជាពិសេសទៀតនោះ នឹងផ្តល់នូវឱកាសអាចអោយទង់ជាតិកម្ពុជានឹងត្រូវបានគេបង្ហាញនៅក្នុងការប្រកួតដែលនឹងប្រព្រិត្តទៅនៅក្នុងប្រទេសបារ៉ែនថែមទៀតផង។
